এই পোস্টটি ২৪০ বার পড়া হয়েছে


চাঙমা হোবিতে: রিবেঙ পজা বিষ- বাসু চাঙমা

পুজি যাদে যাদে হত্তমান পুজি যেয়োং
যুনি চেবার চাজ-
ফেসবুগোর পাদা হুলি চা
দেগিবে হেনান্যা আগে আমা সমাজ!

নলাগিবো তর সমাজর মরঙত লামিবার
পোরবুয়া ও নপুরিবো-
তুই রিনি চেলেই বুঝিবে,
মন মরঙত লুগি আগে আঙোচ্চে আন্ধার।

রুমে রুমে ছিদি যার রিবেঙ পজা বিষ
আক্কল পুজি-গুলি যার-
আন্দলর চেঙেরা দিগিলেই জারহাদা উদিবো,
ভাবি চা! হধক তলে লামিবোঙ আর!

তলে লামদে লামদে হধক তলে লামিলে
মা-বোনদোই হারা হো পারে?
মরে হ! হধক পুজি গেলে
হধালোই নিজো ভোন ঝাবে পারে!

ইংসে-রিজসোর চিন্দেবাজ গোদা হিয়েনত
মানেয়োর বাজ নেই আর-
মরা হিয়েলোই টানাটানি,রেং হারানা!
ভেই! নক্কুনি ফারক নেই এমানর সং অবার।

মন হাজর অধে অধে হধক হাজর অলে
ভেই মারিনেই রেং হারি পারে?
রিবেঙ পজা বিষ হধক ছিদিলে
এ অক্তত! জুরো গুরি থে পারে?

(লোগাঙ সিরিজ-৮)
——————————————-

Advertisement