এই পোস্টটি ৩৫৫ বার পড়া হয়েছে


৯ সেপ্টেম্বর চীন দেঝ’র মহান নেতা মাও সেতুঙ’র মৃত্যু দিবস-রাঙা রঙ’ জু কমরেড মাও সেতুঙ

 

 images
মাও সেতুঙ

 

 কপি গরা উইয়ে: মোনোত্তুগব্লগ
রোজা উইএ-২০০৮-৯ সাল

 

মাও সেতুঙ-

চীন নাঙে দেঝ’র মহান নেতা। চীন দেঝ’ নাঙ য্যা শুন্যে ত্যা মাও সেতুঙ নাঙ শুন্যে। চীন দেচ্চান যে ইদ্দুর উন্নতি উইয়ে, পিত্থিমিত যে চীন’র এত সম্মান মযযাদা তা পিজেন্দি মাও সেতুঙ’ ধুক্কেন মহান নেতার অবদান আগে।
মাও সেতুঙ ১৮৯৩ সাল’র ডিসেম্বর মাহজ’র এগ্গো দিন’ত চীন’র হোনান প্রদেঝ’র শাঙতান জেলার শাউশাঙচুঙ নাঙে এগ্গান আদাম’ত জনম লুইয়ে। তা বাপপো এল’দে হুব গুরিপ। নিজ’ পরিশ্রমে ত্যা এগ্গান সময় থাউয়ে ন অহলেও চলেদে পারা তেঙা কামেইয়ে আআ ভুই বানেই পাজ্জে। তারা তেঙা-পোইঝে বলা উইওন। তারপরেও মাও সেতুঙে সাত বজর বয়জ’ত্তুন ধুরি তারা হেদ’ত হাম গুরিদ’, সমারে সমারে লেঘাপড়া শিঘিদ’। ১৩ বজর বয়চ সঙ ত্যা তারা আদামর এগ্গান ইস্কুল’দ লেঘাপড়া শিক্কে। এ সময় ত্যা চীন দেঝ’র পুরোনি সাইত্য, বিভিন্ন পুরোনিআমল’ পজ্জন-কিত্তে-রূপকথা পুজ্জে।
হালিক তা ইস্কুল’ মাস্তজ্জে তারে ইস্কুল’ বোইউন বাদে বারে বোই পুড়িবাদ্দেই ন’ দি’দ’। ত্যা তোবুও ইস্কুল’ বোইউন বাদে বারে বোইও পুড়িদ’।
মাও সেতুঙ’র য্যাক্কেনে ১৩ বঝর স্যাক্কেনে চীন দেঝ’ত যুদ্ধ চলের। চীন’ মানুচ্চুনে বিদঝি শাসক আর: দেঝ’র অত্যাচারী শাসক্কুনো বিরু্দ্ধে লাড়েই গত্তন। সে লাড়েইও হধাআনি তা কান’ত এক্কা এক্কা সুমিদ’। ইদিক্কেন গুরি শুন’দে শুন’দে ত্যা লাড়েইওত অংঝ’ লবাদ্দেই মনপাগল ওই যায়। সেসময় ত্যা আদাম’ ইস্কুল সারিনেই বারে পুড়িবোদ্দেই যায়। সে ইস্কুল’ নাঙান এল’দে তুঙ সান ইস্কুল। সিদু ত্যা আর’ দোল দোল বোই পুড়ি পায়। আন্দোলন গরেদে মানজো সমারে ত্যা পরিচয় অহয়। মাত্তর য্যাক্কেনে তার ১৭ বজর বয়চ স্যাক্কেনে ১৯১১ সাল’ত  চীন দেঝ’ত সান ইয়াৎ সেন’র নেতৃত্বে বিরাট রেভলুশন অহয়। পেপার পোত্রিকা পুড়িনেই মাও সেতুঙে সে ব্যাপারে হবর পায়। ত্যা তারপরে হিজু দিন’ত্তেই আর্মিত ভোত্তি অহয়। তারপর ত্যা আরঅ কলেজ’ত ভোত্তি অহয়। কলেজ’ত থাগত্তে সংগঠন বানেনেই নানা সমস্যা লোনেই ত্যা আন্দোলন গুজ্জে। নবজনতা সংঘ সুমুত্তো আর’ নানাবাবেত্তে সংগঠন বানেই ত্যা লাড়েই গুজ্জে। ১৯২১ সাল’ত বানা অহয় চীন’র কমুনিস্ট পার্তি। সে পার্তির সেন্ত্রাল মেম্বর ওনেই ত্যা তার সংগ্রামী জিঙানি শুরু গুজ্জে। তারপর তার ইতিহাজ মানেই চীন দেঝর ইতিহাস!

05revo.2-600

১৯৭৬ সাল’র ৯ সেপ্তম্বর ত্যা তা জিঙানি শেয গুরিবার আগে সঙ ত্যা তা দেঝ’দ্দেই জানপরান দিনেই হাত্তে। ইচ্চে যে চীন দেঝর এত নাঙ সিআ্ন ওই পাজ্জেদে একমাত্র এ কারণে যে তারা সিদু মাও সেতুঙ’ ধুক্কেন এগ্গো নেতা এল’। কোনো জাদ’ ভিদিরে গম নেতা থ্যালে গত নেতার নেতৃত্ব সমারে সমারে দৃঢ় জনভিত্তি সম্পন্ন পার্তি থ্যালে কনঅ শোত্তুরই সে জাততোরে ধ্বংস গুরি ন পারে।
আমা জাদ’ ভিদিরেও দোল নেতা, দড়মড় সংগঠন গোড়েই তুলিবাদ্দেই চ্যালে মাও সেতুঙ’ ধুক্কেন নেতা দরকার। ইচ্চে মাও সেতুঙ’র মৃত্যু দিবজত আমি মাও সেতুঙ’রে মন’ত তুলিবঙ। সমারে সমারে তার গুণানি আর তার দেঝ’দ্দেই পরান ধালি দেনা ইআনি লোনেই হবর পেনেই আমিও সিদিক্কেন গুরি আমারে বানেই তুলি পারিবঙ এ আঝা থেল’।

( এ লেঘাআন ২০০৮-২০০৯ সাল’ত হাগারাসুরি শঅরত ফুতোকুপি গুরি মানজো সিদু সিদি দিআ উইয়ে।)

Advertisement